Skemmtilegt og þroskandi stafaspil fyrir káta krakka
STAFÓ er skemmtilegt og þroskandi spil með myndum og stöfum sem allir krakkar á aldrinum 3 ára og eldri gætu bæði haft gagn og gaman að. STAFÓ er fyrir 2-4 leikmenn og sá leikmaður sem er fyrstur að stafa orðin við myndirnar á sínu spjaldi vinnur! Áður en byrjað er að spila dregur hver leikmaður eitt spjald. Spjöldin eru með myndum og stafareitum til að mynda rétt orð við hlið þeirra. Stafirnir eru teknir úr þeim spjöldum sem spilað er með hverju sinn og settir í meðfylgjandi poka. Yngsti leikmaðurinn byrjar eða kastað er upp á hver á að byrja.
Leikmennirnir skiptast á að draga spjald úr bunkanum og reyna að stafa orðin við myndirnar. Ef þeir geta ekki notað stafinn á að setja hann aftur í bunkann og næsti leikmaður gerir. Ef leikmaður dregur staf sem passar í spjaldið hans má hann draga aftur og alveg þangað til hann degur staf sem hann getur ekki notað, þá gerir næsti leikmaður. Leikmaðurinn sem er fyrstur til að stafa öll orðin við myndirnar á sínu spjaldi vinnur.
Í STAFÓ eru tvö erfiðleikastig, fyrsta fyrir 3-6 ára, annað fyrir 6-10 ára og verður spilið selt í tveimur hlutum.
Í fyrra spilinu, sem er fyrir yngri aldurshópinn, eru 8 spjöld með 2 til 3 stafa orðum. Fjórar myndir eru á hverju spjaldi. Í reitunum þar sem stafirnir passa verða punktalínur sem tákna viðeigandi staf. Þannig sjá leikmenn hvar hver stafur á að vera.
í seinna spilinu, sem er ætlað fyrir eldri aldurshópinn, eru 12 spjöld og fjórar myndir á hverju spjaldi. 6 spjöld eru með 3ja til 4 stafa orðum og 6 spjöld með 4 til 7 stafa orðum. Aftast í leiðbeiningabæklingnum má svo finna öll orðin rétt stafsett.
Ég tel að spilið geti vakið eða ýtt undir áhuga barna á stöfum og lestri.
Spilið sem þið sjáið á myndunum er prufueintak, endanleg útgáfa er ekki tilbúin og mun spilið líta aðeins öðruvísi út. Seinna stefni ég á að gefa spilið einnig út á ensku.
Áætlað er að spilið komi til landsins í mars 2018 og verður afhent þá á ákveðnum tíma í Reykjavík.
Einnig verður hægt að fá spilið sent á næsta pósthús ef óskað er eftir því, en þá á eigin kostnað.
Þeir sem versla fyrir meira en 18.000 og búa á höfuðborgarsvæðinu fá spilið keyrt heim að dyrum og gómsætt páskaegg í kaupbæti.
Karolina Fund ehf © 2024 | Kt: 460712-1570 | VAT: 111464